Hindi inaasahan ng It’s Showtime host na si Karylle na may mangyayaring pasabog sa kamakailang episode ng It’s Showtime matapos ang kanyang spiel. 

Nitong February 26, 2024, isang araw bago ang 10th wedding anniversary nila ng kanyang mister na si Yael Yuzon, labis na nasurpresa si Karylle sa biglaang paglabas nito at pagpopropose sa kanya.

Hindi inaasahan ni Karylle na muling magpo-propose sa kanya ang kanyang mister na si Yael Yuzon para sa kanilang renewal of vows sa pag-uumpisa ng episode ng It’s Showtime.

Bago naganap ang proposal, binabati ng It’s Showtime family si Karylle para sa kanyang matagumpay ng Ballet Musical show niya na Rama Hari kung saan gumanap siya bilang si Sita. Matapos ang batian biglang lumabas si Yael at ginawa na ang hinandang surpresa si Karylle.

Ayon naman kay Yael Yuzon, hindi umano sanay si Karylle na sinusurpresa ng ganoon dahil gusto ng actress na nakaplano at alam niya itong lahat.

Aminado naman si Yael na hindi naging smooth ang pagsasama nila ni Karylle sa loob ng 10 years, nagkaroon din umano sila ng mga ups and downs. Mas special na rin umano sa pagkakataong ito dahil mayroon na silang 10 years.

Marami naman sa mga madlang pipol ang kinilig sa stunt na ginawa ni Yael Yuzon sa muling pagpopropose niya sa kanyang asawa na si Karylle. Kaagad ring bumuhos sa social media ang mensahe ng pagbati para sa kanilang dalawa.