Talagang tila sunod-sunod ang mga pagsubok na kinakaharap ngayon ng pamilyang Aquino. Matapos ang ilang linggong pananahimik sa social media, nagbigay ng update ukol sa kanyang kalusugan ang Queen of All Media na si Kris Aquino.

Sa kanyang Instagram post, inamin niya na nagpositibo sila sa Covud-19. Unang nagpositibo si Joshua. Nang sinabi ng nurse sa kanya ang balita hindi umano niya agad naintindihan hanggang sa dumating si Bimby at sinabihan siyang magsuot ng facemask.

Pansamantala silang umalis sa kanilang tinutuloyan at iniwan si Kuya Josh sa pangangalaga ng mga nurse. Ikinatakot naman ni Kris ang kalagayan ng kanyang bunso dahil ashmatic ito.

Samantala, hindi naman napigilan ni James Yap na mag-alala sa kalagayan ng kanyang anak na si Bimby. Ayon kay Cristy Fermin, agad umanong kinamusta ni James Yap ang anak at nagbigay rin umano ng mensahe para sa dating asawa na si Kris Aquino.

Ayon umano kay James Yap, may awa ang panginoon at magtiwala lang na gagaling ito at malalampasan din nito ang mga pagsubok na kinakaharap nito ngayon.

“Magpagaling ka at laging magdasal.”

Samantala, pinasalamatan naman ni Kris ang kanyang mga tagasuporta na patuloy na nagdadasal para sa kanilang pamilya. Naniniwala umano si Kris na gagaling siya at nangangakong kapag may good news ay agad na ibabahagi sa kanyang mga tagasuporta.