Dina Bonnevie confirms passing of husband DV Savellano

DA undersecretary DV Savellano dies of abdominal aneurysm.

Dina Bonnevie’s husband, Department of Agriculture undersecratary and former Ilocos Sur governor DV Savellano, succumbs to abdominal aneurysm on January 7, 2025.
PHOTO/S: Marie Savellano Ocampo Facebook / @dinabonnevie on Instagram

Abdominal aneursym ang sanhi ng pagpanaw ni Department of Agriculture undersecretary at former Ilocos Sur governor Deogracias Victor “DV” Savellano, ang asawa ng multi-awarded actress na si Dina Bonnevie.

Pumanaw si Savellano ngayong Martes, Enero 7, 2025.

Siya ay 65.

Kinumpirma ni Dina ang pagpanaw ng kanyang mister sa TV host at talent manager na si Boy Abunda.

Nagkaroon ng pagkakataon ang dalawa na mag-usap sa telepono ilang minuto bago nag-umpisa ang live telecast ng programa ni Boy sa GMA-7, ang sa Fast Talk with Boy Abunda.

Pagbabahagi ni Boy, “Bago po nagsimula ang ating palabas, nakausap ho natin si Miss Dina Bonnevie at tayo ay nakiramay.

“On behalf of the men and women of Fast Talk, kami ay taus-pusong nakikiramay sa pamilya ni DV at Dina.

“We will be praying for her, we will be praying for your well-being.”

Dagdag pa ng TV host, “Sabi nga po ni Dina, si DV po succumbed to abdominal aneursym.

“Dina, you have our love and we will continue praying.”

DV SAVELLANO’S DAUGHTER

Naglabas na rin ng mensahe ng pamamaalam ang bunsong anak ni Savellano na si Marie Savellano Ocampo, na manugang ng dating aktres na si Princess Revilla.

Sa pamamagitan ng Facebook, nag-post si Marie ng ilang larawang kuha mula sa kanyang kasal, kung saan makikita ang maligayang mukha ng ama.

Kabilang din dito ang kuha kung saan isinasayaw siya ng ama.

Mensahe ni Marie para sa pumanaw na ama, “Keep smiling up there, Papa. You will always be in my heart.

“I miss you so much and love you endlessly. Let’s dance again someday in heaven.”